1538 / 1543 - 1767
1538 / 43
Separaziun da l’Engiadin’Ota in sias 10/11 vschinaunchas politicas (Madulain es resto üna fracziun da Zuoz). Remarcha: La separaziun da las regiuns territorielas traunter las vschinaunchas es steda fich difficila (Gian Travers s'ho partecipo). Uschè as lascha declerer, cha La Punt Chamues-ch posseda p.ex. gods in Val Susauna, in Val Müschauns, in Chaschauna, il god Murtiröl etc. Percunter haun Zuoz e Madulain possess in Val Chamuera (lit.: "Beitrag zur Kenntnis des Waldeigentums in GR", da Dr. R.Z. Ganzoni, Schlarigna).
1566
Inundaziun enorma e desastrusa da la Chamuera (D. Chiampell).
Bilder Set 2
1576
Tuot ils purtrets e tuot las statuas dals senchs vegnan ars sün ün s-chanduler. A nu resta niaunch’ün stizi dals senchs. Il canonic J.G. Meyer pretenda in sia istorgia davart l’uvas-chia da Cuira cha’s rechattan in üna baselgia a Livigno uters da La Punt Chamues-ch. (Tenor il cronist Serardi (1742) serviva la Val Chamuera scu colliaziun cun Livigno e’l Puschlev.)
1767
Statüt/reglamaint "aschantamaints". Dal 1772 fin al 1777 s'ho fat agiuntas e müdamaints. Quists "aschantamaints" sun remarchabels pervi da lur princip democratic. La populaziun es però divisa in vschins ed esters. Dals statüts as vegn a savair cha la vschinauncha d’eira cumplettamaing agricula e cha s'ho cultivo graun ed arvaglias. Ün artichel tratta da la fundaziun da la scoula cumünela.
