La veglia baselgia da Chamues-ch vela scu üna da las pü importantas baselgias goticas da l’Engiadina. Que grazcha a l‘implaunt generel e l’equipamaint bain mantgnieu.
Las parts las pü veglias, nempe ils plauns suot dal clucher e la paraid dal nord da la baselgia dad hoz derivan dal 13evel tschientiner e sun cun que auncha da l’epoca romauna.
L’impressari Bernhard da Puschlev ho ingrandieu il spazi dal cor trand il vout per passa ün meter pü inavaunt illa nev. Il clucher romaun ho survgnieu duos ulteriurs plauns e la chaplina agüzza caracteristica. Il listess impressari ho dal rest eir contribuieu sia part a las baselgias da Zuoz, Scuol, Ramosch, Tschlin e S. Gaudenzio sur Casaccia.
